दिल्ली कंग्रेस इन्चार्जद्वारा पदबाट राजीनामा

काठमाडौं, २९ माघ । भारतीय नेसनल कंग्रेसका दिल्ली इन्चार्ज पिसी चक्कोले पदबाट राजीनामा दिएका छन् ।

विधानसभामा निर्वाचनमा आफ्नो पार्टीले खाता खोल्न नसकेपछि चक्कोले पदबाट राजीनामा दिएका हुन् ।

गत शनिबार सम्पन्न निर्वाचनमा ७० सदस्यीय विधानसभामा आम आदमी पार्टीले ६२ र भारतीय जनता पार्टीले ८ स्थानमा जितेको थियो ।

१९९८ देखि २००८ सम्मको निर्वाचनमा लगातार एकल बहुमत ल्याएको कंग्रेस २०१३ मा ८ सिटमा खुम्चिएको थियो ।