हेटौँडा–१७ का युवा किसानलाई आलुको बिउ वितरण
मकवानपुर, ६ मंसिर । हेटौँडा उपमहानगरपालिकाले बिहिबार हेटौँडा–१७ का किसानहरुलाई आलुको बिउ वितरण गरेको छ ।
उपमहानगरपालिकाले हेटौँडा–१७, चुनडाँडाका युवा कृषि सहकारी संस्था लिमिटेडमा आवद्ध किसानहरुलाई आलुको बिउ वितरण गरिएको हो ।
किसानका लागि २ लाख रुपैयाँ बराबरको आलु खरिद गरेर वितरण गरिएको हो ।
युवा किसानहरुलाई आलुको बिउ वितरण गर्दै हेटौँडा उपमहानगरपालिकाका मेयर हरिबहादुर महतले उक्त क्षेत्रका युवा किसानहरुले खेतभरी आलु रोपेकाले उनीहरुलाई थोरै भएपनि सहयोग गर्ने उद्देश्यलले आलुको बिउ वितरण गरिएको बताए ।
व्यावसयीक रुपमा तरकारी खेती गर्ने किसानहरुका लागि कुनै न कुनै रुपमा स्थानीय सरकारले सहयोग गर्ने मेयर महतको भनाई थियो ।