मकवानपुरमा भिरबाट लडेर एक जनाको मृत्यू
तु खबर संवाददाता२०७५ श्रावण २७, आईतवार १०:४०
मकवानपुर, २७ साउन । मकवानपुरको भीमफेदी गाउँपालिका वडा नं ५ सुपिङमा घाँस काट्न गएका एक वृद्धको लडेर ज्यान गएको छ ।
भिरबाट लडेर वडा नम्बर ५ सुपिङका ६० वर्षिय गोपालप्रसाद पुडासैनीको ज्यान गएको हो । शनिबार बिहान घाँस काट्न गएको बेला भीरबाट लडेर पुडासैनीको मृत्यु भएको प्रहरीले जनाएको छ ।
जिल्ला प्रहरी कार्यालय मकवानपुरका अनुसार उनको शव पोष्टपार्टमका लागि हेटौंडा अस्पताल ल्याइएको छ ।