बिदाका दिन पक्राउ परेका व्यक्तिलाई पनि २४ घण्टाभित्र अदालतमा पेस गर्न सर्वोच्चको परिपत्र

सर्वोच्च अदालतले बिदाका दिनमा समेत पक्राउ परेका व्यक्तिलाई संविधानले तोकेको २४ घण्टाभित्र मुद्दा हेर्ने अधिकारीसमक्ष अनिवार्य रूपमा उपस्थित गराउन मातहतका अदालतहरूलाई परिपत्र जारी गरेको छ ।

सरकारले शनिबार र आइतबार सार्वजनिक बिदा दिने निर्णय गरेपछि अदालतले यस्तो आदेश जारी गरेको हो । अनुसन्धान अधिकृतले पक्राउ परेकालाई २४ घण्टाभित्र मुद्धा हेर्ने अधिकारीसमक्ष पेश गर्नु पर्ने व्यवस्था छ, सोही व्यवस्थालाई कार्यान्वयन गर्न सर्वोच्चले यस्तो परिपत्र गरेको हो ।

शुक्रबार सर्वोच्च अदालतको पूर्ण बैठकले गरेको निर्णयअनुसार परिपत्र उच्च अदालत, इजलास, अस्थायी इजलास, प्रशासकीय अदालत, न्यायाधिकरण, विशेष अदालत, श्रम अदालत, फैसला कार्यान्वयन निर्देशनालय, जिल्ला अदालत, उपभोक्ता अदालत र बाल अदालत लगायत सम्पूर्ण न्यायिक निकायहरूलाई पठाइएको छ ।