मोटरसाइकल दुर्घटना हुँदा एक जनाको मृत्यु
तु खबर संवाददाता२०८१ बैशाख १४, शुक्रबार ०९:०८
गुल्मी । गुल्मीमा गएराति मोटरसाइकल दुर्घटना हुँदा एक जनाको मृत्यु भएको छ ।
मृत्यु हुनेमा गुल्मीदरबार गाउँपालिका–३ का २९ वर्षीय अनिलराज घर्ती रहेको जिल्ला प्रहरी कार्यालय गुल्मीले जनाएको छ ।
प्रहरीका अनुसार, गुल्मीदरबारबाट बिरवासतर्फ जाँदै गरेको लु ३५ प ५४८४ नंम्बरको मोटरसाइकल सडकबाट करिब ३० मिटर तल खसेर दुर्घटना हुँदा उनी गम्भीर घाइते भएका थिए ।
गम्भीर घाइते उनको गुल्मी अस्पतालमा उपचारको क्रममा मृत्यु भएको हो ।
यस्तै, सोही दुर्घटनामा परेर गुल्मीदरबार ४ भट्टेचौरका ३१ वर्षीय यमबहादुर सुर्यवंशी घाइते भएका छन् । उनको पाल्पामा उपचार भइरहेको जनाइएको छ ।