मकवानपुरमा ७३ जना डेंगु संक्रमित थपिए
तु खबर संवाददाता२०७९ आश्विन १२, बुधबार १७:३९
मकवानपुर । मकवानपुरमा पछिल्लो २४ घण्टामा थप ७३ जनामा डेंगु संक्रमण पुष्टि भएको छ । पुष्टि हुनेहरुमा सबैभन्दा धेरै हेटौंडा उपमहानगरपालिकाका रहेका छन् । त्यहाँ ४३ जनामा डेंगु संक्रमण पुष्टि भएको स्वास्थ्य कार्यालय मकवानपुरले जनाएको छ ।
यसैगरी, मकवानपुरगढी गाउँपालिकाका ७ जना र मनहरी गाउँपालिकाका २३ जनामा डेंगु संक्रमण पुष्टि भएको हो ।
यससँगै जिल्लामा डेंगु संक्रमितको कुल संख्या २ हजार ७६४ जना पुगेको छ । जसमध्ये १ हजार ५५१ जना पुरुष र १ हजार २१३ जना महिला रहेका छन् ।
जिल्ला उक्त संक्रमणका कारण एक जनाको मृत्यु भएको स्वास्थ्य कार्यालय मकवानपुरले जनाएको छ ।