सल्यानमा फोर्स गाडी दुर्घटना, तीन जनाको मृत्यु
तु खबर संवाददाता२०८२ आश्विन १२, आईतवार ०८:५७
राप्ती राजमार्ग अन्तर्गत सल्यानको कपुरकोट गाउँपालिका–३, चोरखोलामा आज बिहान भएको गाडी दुर्घटनामा तीन जनाको मृत्यु भएको छ।
रुकुम पश्चिमको बाफिकोट गाउँपालिकाबाट दाङको घोराहीतर्फ आउँदै गरेको लु २ ख ६५०२ नम्बरको फोर्स गाडी आज बिहान करिब ४ बजे सडकबाट करिब ३–४ सय मिटर तल खस्दा दुर्घटना भएको हो।
दुर्घटनामा रुकुम पश्चिम बाफिकोट गाउँपालिका–५ का २५ वर्षीय प्रकाश केसी, ६८ वर्षीया पबी केसी र २७ वर्षीय शशीधर केसीको मृत्यु भएको जिल्ला प्रहरी कार्यालय सल्यानले पुष्टि गरेको छ।
मृत्यु हुनेमध्ये एक महिला र दुई पुरुष रहेका छन्। दुर्घटनाबारे थप अनुसन्धान भइरहेको प्रहरीले जनाएको छ।
