सुनको मूल्यमा ऐतिहासिक रेकर्ड, तोलामा २ लाख नाघ्यो

काठमाडौँ ।नेपाली बजारमा आज सुनको मूल्यले इतिहासिक रेकर्ड बनाएको छ । सुन आज तोलामा एक हजार २०० रुपैयाँले बढेर तोलामा दुई लाख माथि पुगेको हो ।

नेपाल सुनचाँदी ब्यवसायी महासंघका अनुसार आज सुनको मूल्य प्रतितोला दुई लाख ६०० रुपैयाँमा कारोबार भइरहेको छ । अघिल्लो कारोबारको दिन भने सुन तोलामा एक लाख ९९ हजार ४०० रुपैयाँमा कारोबार भइरहेको थियो ।

यता, चाँदीको मूल्य तोलामा पाँच रुपैयाँले बढेर प्रतितोला दुई हजार ३६० रुपैयाँमा किनबेच भइरहेको हो ।