सुनचाँदी व्यवसायीको आन्दोलन स्थगित, पसलहरू नियमित सञ्चालनमा

विलासी करको विरोधमा आन्दोलनरत सुनचाँदी व्यवसायीहरूले सरकारसँग सहमति भएपछि सबै आन्दोलनका कार्यक्रम स्थगित गरेका छन्।

हिजो अर्थ मन्त्रालयमा भएको वार्तापछि पसलहरू आजदेखि देशभर नियमित खुलेका छन्।

सहमति अनुसार, सुनचाँदी र रत्न आभूषणमा लाग्ने कर प्रणाली अध्ययन गरी नीतिगत सुधार गरिनेछ।

व्यवसायीको पहुँच सहज बनाउने गरी सुन आयातको व्यवस्था प्रभावकारी बनाइने र कार्यविधि संशोधन गरिनेछ।

सरकार र व्यवसायीबीच कानूनी सुधार र छिमेकी मुलुकसँग कर दरको सामञ्जस्यका लागि कार्यदल गठन गर्ने सहमति पनि भएको छ।