प्रधानमन्त्री ओलीले प्रतिनिधिसभालाई सम्बोधन गर्दै
तु खबर संवाददाता२०८२ असार २३, सोमबार ०९:१०
काठमाडौं । स्पेन भ्रमणबाट फर्किएका प्रधानमन्त्री केपी शर्मा ओलीले आज प्रतिनिधिसभा बैठकलाई सम्बोधन गर्ने भएका छन् । आजको सम्बोधनमा प्रधानमन्त्रीले स्पेन भ्रमणबारे जानकारी दिने तय भएको मुख्य सचेतक महेश बर्तौलाले जानकारी दिए ।
संयुक्त राष्ट्रसंघद्वारा आयोजित विकासका लागि वित्तसम्बधी चौथो सम्मेलनमा भाग लिएर फर्किएका प्रधानमन्त्री ओलीले यसबारे प्रतिनिधिसभालाई जानकारी गराउने छन् । स्पेन भ्रमणका क्रममा प्रधानमन्त्री ओलीले विभिन्न देशका आफ्ना समकक्षी तथा संयुक्त राष्ट्रसंघका महासचिव एन्टिनियो गुटेरेसलाई भेट गरेका थिए । भेटमा द्विपक्षीय हितका सम्बन्धमा कुराकानी भएको थियो ।
आज अपराह्न १ बजेका लागि निर्धारण गरिएको प्रतिनिधिसभाको बैठकमा प्रधानमन्त्रीले स्पेन भ्रमण तथा देशको पछिल्लो समसामयिक विषयमा बोल्नुहुने मुख्य सचेतक बर्तौलाले तु खबरलाई बताए ।
