ट्रम्प प्रशासनद्वारा सहायता कटौती: रुसको स्वागत, युक्रेनमा संकट
तु खबर संवाददाता
अमेरिकी राष्ट्रपति डोनाल्ड ट्रम्पको अमेरिकाको पहिलो एजेन्डाअनुसार युक्रेनलाई प्रदान गरिँदै आएको केही सहायता रोक्ने निर्णयले अन्तर्राष्ट्रिय जगतमा प्रतिक्रिया निम्त्याएको छ। यस निर्णयलाई क्रेमलिनले स्वागत गरे पनि कीभलेँ भने अमानवीय मानेको छ।
पेन्टागनले सहायता रोकिएको पुष्टि गर्दै भनेको छ कि युक्रेनलाई दिइने सुरक्षा सहायता ट्रम्पको प्राथमिकतासँग मेल खाने नखाने विषयमा पुनरावलोकन भइरहेको छ। यो कदम विशेषतः चिन्ताजनक मानिएको छ, किनभने सहायता रोकिएका हतियारहरूमा अत्याधुनिक प्याट्रियट वायु रक्षा प्रणालीका मिसाइलहरू पनि समावेश छन्, जसले हाल युक्रेनी जनतालाई रूसी हवाई आक्रमणबाट जोगाइरहेका छन्।
भर्खरै रसियाले कीभमाथि १३ घन्टा लामो रेकर्ड आक्रमण गर्दै ५३९ ड्रोन र ११ क्रुज तथा ब्यालिस्टिक मिसाइल प्रक्षेपण गरेको युक्रेनी वायु सेनाले जनाएको छ। युक्रेनी राष्ट्रपति भोलोडिमिर जेलेन्स्कीले आकाश सुरक्षाका लागि साझेदारहरूले निरन्तर सहयोग गर्नुपर्ने उल्लेख गर्दै प्याट्रियट प्रणालीलाई जीवनका संरक्षक भनेका छन्।
जेलेन्स्की र ट्रम्पबीच शुक्रबार भएको टेलिफोन वार्तामा उनीहरूले युक्रेनको हवाई सुरक्षा बलियो बनाउने विषयमा सहकार्य गर्ने सहमति जनाएका छन्। युक्रेनले अमेरिका संग प्रत्यक्ष परियोजनाहरूका लागि तत्परता जनाउँदै ड्रोन र सम्बन्धित प्रविधिमा पनि सहकार्यको अपेक्षा राखेको जनाएको छ।
विशेषज्ञहरूका अनुसार प्याट्रियट प्रणालीको उत्पादन सीमित र लागत उच्च भएकोले यसको विश्वव्यापी माग बढ्दो अवस्थामा छ। ट्रम्प प्रशासनका लागि रणनीतिक क्षेत्रहरू – जस्तै मध्यपूर्व, दक्षिण कोरिया, र दक्षिण एशिया – प्राथमिकतामा पर्ने भएकाले युक्रेनको स्थान अझ असहज बन्न सक्ने अनुमान गरिएको छ।