नेपाल प्रहरीमा कार्यरत १९ कर्मचारी सम्पर्कविहीन

काठमाडौं । नेपाल प्रहरीमा कार्यरत १९ कर्मचारी सम्पर्कविहीन भएका छन् । शुक्रबार प्रहरी प्रधान कार्यालयले एक सूचना जारी गर्दै दुई महिनाभन्दा बढी समयबाट उनीहरु कार्यालयमा हाजिर नभएका जानकारी गराएको हो ।

प्रहरी प्रधान कार्यालयले नेपाल प्रहरीका विभिन्न दर्जामा रहेका ती प्रहरीहरूलाई एक साताभित्र स्पष्टीकरणसहित सम्पर्कमा आउन निर्देशन दिएको छ ।

खोजतलास गराउँदा र प्रक्रिया पूरा गरी सूचना टाँस भइसक्दा समेत सम्पर्कमा नआएको भन्दै कार्यालयले उनीहरूसँग स्पष्टीकरणसहित कार्यालय उपस्थित नभए प्रहरी नियमावलीअनुसार सेवाबाट हटाउने चेतावनी समेत कार्यालयले दिएको छ ।