यस सातामा ११ सयले बढ्यो सुनको भाउ
काठमाडौं । यो साता नेपाली बजारमा सुनको भाउ बढेको छ । नेपाल सुनचाँदी व्यवसायी महासंघले गत साताको शुक्रबारको तुलनामा यस साता सुनको भाउ बढेको हो ।
महासंघका अनुसार, यस साता सुन प्रतितोल एक हजार १ सय रुपैयाँले बढेको हो । गत साताको शुक्रबार तोलामा १ लाख २५ हजार ४०० रुपैयाँमा कारोबार भएको छापावाल सुनको यो साता १ लाख २६ हजार ५०० रुपैयाँमा कारोबार भएको महासंघले जनाएको छ ।
यस्तै, गत साताको शुक्रबार १ लाख २४ हजार ८०० रुपैयाँमा कारोबार भएको तेजाबी सुन यस साता प्रतितोला १ लाख २५ हजार ९०० रुपैयाँ कायम भएको छ ।
यसैगरी, यो साता चाँदीको भाउ भने प्रतितोला १५ रुपैयाँले घटेको छ । गत साताको शुक्रबार १ हजार ५ सय १५ रुपैयाँ कायमको चाँदीको प्रतितोला १ हजार ५ सय रुपैयाँ कायम भएको छ ।