मकवानपुरमा १०३ जनामा डेंगू संक्रमण पुष्टि
तु खबर संवाददाता२०८० श्रावण २६, शुक्रबार १७:४०
मकवानपुर । मकवानपुरमा डेंगू संक्रमितको संख्या १०३ जना पुगेको छ । जिल्लामा पछिल्लो २४ घण्टामा ४ जनामा संक्रमण पुष्टि भएसँगै संक्रमितको कूल संख्या १०३ पुगेको जिल्ला स्वास्थ्य कार्यालय मकवानपुरले जनाएको छ ।
जिल्ला स्वास्थ्य कार्यालयका अनुसार, उक्त तथ्याङ्क साउन १ गतेदेखि आजसम्मको हो । जिल्लामा सबैभन्दा धेरै संक्रमित हेटौंडा उपमहानगरपालिमा रहेका छन् । त्यहाँ ५९ जनामा डेंगू संक्रमण पुष्टि भएको छ ।
यसैगरी, मकवानपुरगढी गाउँपालिकामा १ जना, मनहरी गाउँपालिकामा १ जना, बकैया गाउँपालिकामा १ जना, राक्सिराङ गाउँपालिकामा १ जनामा डेंगू संक्रमण पुष्टि भएको छ ।
यस्तै, सो अवधिमा हेटौंडामा अस्पतालमा ४० जनामा संक्रमण पुष्टि भएको स्वास्थ्य कार्यालय मकवानपुरले जनाएको छ ।
