मकवानपुरको एक घरमा आगोलागी, ६ लाख ७५ हजारको क्षति

मकवानपुर । मकवानपुरको कैलाश गाउँपालिका वडा नम्वर ७ ससिङमा बिहीबार दिउँसो एक घरमा आगोलागी भएको छ । दिउँसो साढे १ बजेको समयमा स्थानीय ५० वर्षीय फुलबहादुर चेपाङको ढुंगा, माटो, काठले बनेको खरको छानो भएको १ तल्ले कच्ची घरमा आगोलागी भएको जिल्ला प्रहरी कार्यालय मकवानपुरले जनाएको छ ।

जिल्ला प्रहरी कार्यालय मकवानपुरका प्रहरी नायव उपरीक्षक कार्कीका अनुसार, बुधबार साढे २ बजेको समयमा घर नजिर्कको जंगलमा लागेको आगो हावाको झिल्काले घरमा सल्किएर आगोलागी भएको हो ।

आगोलागीबाट घर पूर्ण रुपमा क्षति हुनुका साथै अन्नपात, भाडाकुडा, सोलार, नगद पैसा, गरगहना जलेर नष्ट हुँदा ६ लाख ७५ हजार रुपैयाँ बराबरको क्षति भएको प्रहरी नायव उपरीक्षक कार्कीले बताए ।