मकवानपुरमा सवारी दुर्घटना, दुई घाइते

मकवानपुर । मकवानपुरको बकैया गाउँपालिका वडा नम्वर ३ हात्तिसुडेस्थित हेटांैडा–फापरबारी सडकखण्डमा आज बिहान सवारी दुर्घटना हुँदा दुई जना घाइते भएका छन् ।

बिहान २ः५० बजेको समयमा फापरबारीबाट जुरेलीतर्फ आउँदै गरेको प्रदेश २–०३ ००१ त ३१७२ नम्वरको ईन्जिनको भाग मात्र रहेको ट्याक्टर आफै अनियन्त्रित भई सडकमा पल्टिएर दुर्घटना हुँदा दुई जना घाइते भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।

घाइते हुनेमा ट्याक्टर चालक बकैया गाउँपालिका–४, जुरेली बस्ने २० वर्षीय बिजय तामाङ र ट्याक्टरमा सवारी सोही ठाउँ बस्ने ३९ वर्षीय नवराज स्याङतान रहेका छन् । घाइतेमध्ये ट्याक्टर चालक बिजयको अवस्थामा गम्भीर रहेको प्रहरी नायव उपरीक्षक कार्कीले बताए ।

यस्तै, अर्का घाइते नवराजको अवस्थामा भने मध्यम रहेको छ । घाइते दुबै जनाको हाल हेटौंडाको चुरेहिल अस्पतालमा उपचार भइरहेको र घटनाको बारेमा आवश्यक अनुसन्धान गरिरहेको जनाइएको छ ।