परिवार दलका अध्यक्ष ढकालले दिए महाशिवरात्री पर्वको शुभकामना

हेटौंडा । नेपाल परिवार दलका अध्यक्ष एवम् पूर्व शान्ति तथा पुनः निर्माणमन्त्री एकनाथ ढकालले महाशिवरात्री पर्वको उपलक्ष्यमा देश तथा विदेशमा रहेका सम्पूर्ण नेपालीहरुलाई शुभकामना दिएका छन् ।

शनिवार शुभकामना सन्देश जारी गर्दै ढकालले सम्पूर्ण नेपालीहरुको सुख, शान्ति र समृद्धिको कामनासहित यस पर्वले राष्ट्रिय एकता, मेलमिलाप र सामाजिक सद्भाव बलियो हुँदै जाने विश्वास व्यक्त गरे ।

अध्यात्मिक चिन्तन, धर्मप्रतिको आस्था र पालनले एक सभ्य र सुसंस्कृत समाज निर्माण हुने भन्दै शिव र पार्वती एक असल परिवार र दाम्पत्य जीवनको अनुकरणीय जोडी समेत भएको उल्लेख गर्दै उनले यस पर्वले हाम्रो पारिवारिक मुल्यमान्यताको पनि जगेर्ना गर्न मद्धत मिल्ने बताए ।

महाशिवरात्री आत्मा शुद्धिको लागि महाव्रत पनि भएको उल्लेख गर्दै यस पर्वले शान्ति र अहिंसाको सन्देश प्रवाह गरेको ढकालले बताए । हिन्दु धर्मावलम्बीहरुले महत्वका साथ मनाउने यस पर्वलाई भगवान शिवको उत्पत्ति भएको रातको नामबाट नामकरण भएको र यस पर्वलाई कालरात्री, मोहरात्री, सुखरात्री र शिवरात्री नामक चार प्रमुख रात्रीमध्ये एक पवित्र पर्वका रूपमा पुराणहरूमा उल्लेख गरिएको पाइन्छ ।

फागुन कृष्ण चतुर्दर्शीका दिन मनाइने यस पर्वलाई सम्पूर्ण दीनदुःखी र कष्टपूर्ण अवस्थामा रहेका प्राणीहरूको हृदयमा धर्मको उदय गराउने आशुतोष भगवान शिवको अति प्यारो दिनका रूपमा पनि लिइने गरिन्छ । शिवरात्रीको पालनाले भोग र मोक्ष दुवैको प्राप्ति हुने धार्मिक विस्वास छ ।