बसको ठक्करबाट पैदलयात्रुको मृत्यु
तु खबर संवाददाता२०७९ पुष १, शुक्रबार १५:५३
काठमाडौं । काठमाडौंको सिनामङ्गलमा बसको ठक्करबाट आज बिहान पैदलयात्रुको मृत्यु भएको छ ।
काठमाडौं महानगरपालिका–९ सिनामङ्गल कार्गो गेट अगाडि बा ५ ख ५६२२ नम्वरको बसको ठक्करबाट काभ्रे घर भई सिनामङ्गल बस्ने ४२ वर्षीय रामकृष्ण रञ्जितकारको मृत्यु भएको प्रहरीले जनाएको छ ।
प्रहरीका अनुसार, बसको ठक्करबाट गम्भीर घाइते रञ्जितकारको उपचारका क्रममा काठमाडौं मेडिकल कलेज सिनामङ्गलमा मृत्यु भएको हो ।
दुर्घटनामा संलग्न बस चालकलाई भने प्रहरीले नियन्त्रणमा लिएर अनुसन्धान गरिरहेको जनाइएको छ ।