एमालेको अवरोधपछि प्रतिनिधिसभा बैठक १५ मिनेटका लागि स्थगित
तु खबर संवाददाता२०७८ भाद्र २७, आईतवार १४:०४
काठमाडौँ । सभामुख अग्निप्रसाद सापकोटाले प्रतिनिधिसभाको बैठक १५ मिनेटको लागि स्थगित गरेका छन् ।
प्रमुख विपक्षी दल नेकपा एमालेका सांसदहरुले सभामुखविरुद्ध नाराबाजी कायमै राखेपछि सभामुखले सदन १५ मिनेटका लागि स्थगित गरेका हुन् ।
नेकपा एमालेले १४ सांसदलाई गरेको निष्कासनको कारबाहीलाई सभामुखले मान्यता नदिएको विरोधमा एमालेले लगातार संसद अवरोध गर्दै आएको थियो ।
सभामुख अग्निप्रसाद सापकोटाले बैठक सुरु गर्नेबित्तिकै एमाले सांसदहरु बेलमा आई नाराबाजी गरिरहेका छन् ।
सभामुख सापकोटाले लगातार संसद अवरोध गर्दै आएपछि एमालेलाइ संवादमा आउन आह्वान गरेका छन् ।
उनले समस्याको समाधान वार्ता र संवादबाट खोज्नेसमेत बताएका छन् ।