राष्ट्रिय सभाको हिउँदे अधिवेशन आजदेखि अन्त्य
तु खबर संवाददाता२०७७ पुष २६, आईतवार १४:१८
काठमाडौं । मन्त्रिपरिषद्को बैठकले राष्ट्रियसभाको हिउँदे अधिवेशन आजदेखि राष्ट्रपति विद्या भण्डारीलाई सिफारिस गर्ने निर्णय गरेको छ ।
उक्त बैठकले आज राति १२ बजेबाट हिउँदे अधिवेशन अन्त्य गर्न राष्ट्रपतिलाई सिफारिस गरेको एक मन्त्रीले जानकारी दिए ।
मन्त्रिपरिषद्को नियमित बैठक सोमबार बस्ने भएपनि प्रधानमन्त्रीले आज आकस्मिक बैठक डाकेका थिए ।
आज बस्ने राष्ट्रिय सभाको बैठकमा थारु आयोगको प्रतिवेदन पेश गर्ने, विधायन समितिको प्रतिवेदन पेस गर्ने र प्रधानमन्त्री केपी शर्मा ओलीले संवोधन गर्ने कार्यसूची रहेको छ ।
राष्ट्रिय सभाको हिउँदे अधिवेशन अन्त्य गर्ने सरकारको निर्णयप्रति प्रचण्ड–नेपाल पक्ष नेकपा तथा नेपाली काँग्रेसका सांसदले बिरोध गरेका छन् ।