कोरोनाका कारण युएईमा दुई जनाको मृत्यु
युएई, ८ चैत्र । कोरोनाभाइरसका कारण युएईमा दुई जनाको मृत्यु भएको छ ।
विश्वभर महामारीको रुप धारण गरेको उक्त भाइरसले युएईमा पहिलो पटक दुई जनाको मृत्यु भएको युएईको स्वास्थ्य मन्त्रालयले शुक्रबार पुष्टि गरेको हो ।
मन्त्रालयले ट्वीटरमार्फत दिएको जानकारीअनुसार युरोपबाट आएका ७८ वर्षीय साउदी नागरिक र युएई बस्दै आएका ५८ वर्षीय एसियन नागरिकको उपचारको क्रममा मृत्यु भएको हो ।
युएईमा कोरोना संक्रमितको संख्या १४० पुगेको छ । एजेन्सी