काठमाडौंमा दुर्गा प्रसाईँको पक्राउविरुद्ध समर्थकको प्रदर्शन
तु खबर संवाददाता२०८२ मंसिर २, मंगलवार १४:३८
काठमाडौं। काठमाडौंमा दुर्गा प्रसाईँलाई प्रहरीले पक्राउ गरेको निर्णयको विरोधमा उनका समर्थक सडकमा ओर्लिएका छन्। उनीहरू जिल्ला प्रशासन कार्यालय काठमाडौंको अगाडि जम्मा भएर नाराजुलुश प्रदर्शन गरिरहेका छन्।
प्रहरी पर्याप्त संख्यामा परिचालन गरिएको छ भने प्रदर्शनकारीहरूले प्रसाईँलाई रिहा गर्न दबाब दिइरहेका छन्। मंसिर ७ बाट आन्दोलनको तयारीमा रहेका प्रसाईँले हिंसा र अराजक गतिविधिमा उक्साउने अभिव्यक्ति दिएका थिए। त्यसपछि उनलाई मध्यरातमा पक्राउ गरिएको हो।
हाल दुर्गा प्रसाईँमाथि म्याद थप गर्ने प्रक्रिया अघि बढाइएको छ।
