एमाले नेता ऐन महर साइबर अपराध अभियोगमा पक्राउ

काठमाडौँ । नेकपा (एमाले) का केन्द्रीय सदस्य ऐन महर साइबर अपराधसम्बन्धी उजुरीका आधारमा पक्राउ परेका छन् । काठमाडौं जिल्ला अदालतले पक्राउ अनुमति जारी गरेपछि महर बुधबार प्रहरीमा उपस्थित भएका हुन् ।

साइबर ब्युरो भोटाहिटीमा एक महिलाले महरविरुद्ध चरित्रहत्या र गाली बेइज्जतीसम्बन्धी उजुरी दर्ता गरेकी थिइन् । उजुरीका आधारमा अदालतले पक्राउ अनुमति जारी गरेपछि महर स्वयं प्रहरीमा उपस्थित भएका थीए ।

प्रहरीले थप अनुसन्धानका लागि उनलाई काठमाडौं जिल्ला अदालतमा पेस गरी म्याद थपको प्रक्रिया अघि बढाएको छ ।

महर अनेरास्ववियु हुँदै एमालेको विद्यार्थी राजनीति सक्रिय रहँदै पार्टीको केन्द्रीय सदस्य बनेका हुन् । प्रतिनिधिसभा चुनावमा उम्मेदवार बनेका उनले एकीकृत समाजवादीका नेता भानुभक्त जोशीसँग पराजय व्यहोरेका थिए ।