व्यवसायी हेमराज ढकाल नेपाल धितोपत्र बोर्डको सञ्चालक नियुक्त

काठमाडौं । नेपाल उद्योग वाणिज्य महासंघका उपाध्यक्ष तथा व्यवसायी हेमराज ढकाल नेपाल धितोपत्र बोर्डको सञ्चालकमा नियुक्त भएका छन् । निजी क्षेत्रको प्रतिनिधित्व गर्दै ढकाल बोर्डमा प्रवेश गरेका हुन् ।

यसअघि महासंघका वरिष्ठ उपाध्यक्ष अन्जनकुमार श्रेष्ठ निजी क्षेत्रको तर्फबाट बोर्ड सञ्चालक बनेका थिए । तर व्यक्तिगत कारण देखाउँदै उनले राजीनामा दिएपछि सो पद रिक्त रह्यो । महासंघले ढकाललाई सो पदका लागि सिफारिस गर्ने निर्णय गरेको हो ।

नवनियुक्त सञ्चालक ढकाललाई बुधबार बोर्डका अध्यक्ष सन्तोषनारायण श्रेष्ठले पद तथा गोपनियताको सपथ गराएका हुन् ।