एसईईको नतिजा सार्वजनिक, ६१.८१ प्रतिशत विद्यार्थी उत्तीर्ण

काठमाडौँ । यस वर्षको एसईईमा ६१.८१ प्रतिशत विद्यार्थी  उत्तीर्ण भएका छन् ।

०८१ को एसईई परीक्षा गत ७ चैतदेखि सञ्चालन भएको थियो । नियमिततर्फ चार लाख ३१ हजार ४६६ र ग्रेड वृद्धिका लागि ६७ हजार ७१५ विद्यार्थीले परीक्षा दिएका थिए ।

नियमित परीक्षामा सहभागी भएका ४ लाख ३८ हजार ८९६ परीक्षार्थीमध्ये ३.६ देखि ४ जीपीए ४८ हजार १७७, ३.२ देखि ३.६ जीपीएसम्म ८१ हजार ३५५, २.८ देखि ३.२ जीपीएसम्म ९९ हजार १२४ जना, २.४ देखि २.८ जीपीएसम्म ४८ हजार ४७९, २ देखि २.४ सम्म ल्याउने ४ हजार १२६ जना, १.६ देखि २ जीपीएसम्म ८ जना छन् ।

एसईईको नतिजामा ६१.८१ प्रतिशत उत्तीर्ण भएको र एक लाख ६७ हजार विद्यार्थी फेल भएको परीक्षा बोर्डले जनाएको छ । बोर्डका अनुसार, पूरक परीक्षा साउन २९ देखि हुनेछ ।