भारतलाई नेपालको छिमेकी मात्र हैन, विकासको साझेदार बनाउनुपर्छ: प्रमुख भुसाल
तु खबर संवाददाता
मकवानपुर । नेपालको आर्थिक विकासको सवालमा नेपाल भारत विच साझा अवधारण विषयमा सोमबार हेटौंडामा पत्रकारहरुसंग अन्तरक्रिया एवं छलफल भएको छ । नेपाल भारत मानव विकास एव्म मैत्री संघका प्रमुख सूर्य भुसालले मकवानपुरका पत्रकारहरुसँग अन्तरक्रिया एवं छलफल गरेका हुन् । छलफलका क्रममा प्रमुख भुसालले भारत र नेपाल विच विकासका साझा अवधारणाहरु के के हुन सक्छन् तिनको पहिचान गरी आ–आफ्नो क्षेत्रबाट तिनलाई उजागर गर्नुपर्ने बताए । छफलका क्रममा नेपालको विकासमा भारतलाई सामान्य छिमेकी मात्र नभई साझेदार मित्रका रुपमा लिएर जानुपर्नेमा जोड दिइएको थियो ।
नेपालले भारतसँगको सम्बन्धलाई बिगतमा राजनीतिक परिवर्तनको एउटा हिस्सा मानेपनि अब सामाजिक र आर्थिक परिवर्तनको हिस्सेदार मान्नुपर्नेमा भुसालले जोड दिए । उनले भारतले नेपालको लागी शिक्षा, स्वास्थ्य, सडक, खानेपानी, उर्जा, कृषी, पर्यापर्यटन, जस्ता क्षेत्रका विकासमा सहयोगी भूमिका खेल्नसक्ने भएकाले हामीले त्यसका बारेमा सोच्ने बेला आएको बताए ।
उनले विगतमा जस्तै अहिलेपनि नेपाली राजनितिक दलका नेताहरु सरकार बनाउन सहयोग माग्ने, पार्टीको प्रमुख बनाईदिन आग्रह गर्न दिल्ली पुग्ने गरेको आरोप लगाए । प्रमुख भुसालले अब भारतलाई नेपालको राजनिती भन्दा बाहिर निकालेर आर्थिक सामाजिक परिवर्तनका लागी उपयोग गर्नुपर्ने बताए । उनले यसको लागी नेपालका राजनितीक दलका नेताहरुले निजि स्वार्थ त्याग्नुपर्ने बताए ।
भारतले नेपालको विकासको लागि खर्बौ रकम सहयोग गरेपनि धेरै आयोजनाहरु नेपाली राजनीतिको कारण अलपत्र परेको उनको दावी छ । उनले नेपालको विकासको आवश्कतामा भारतलाई दुस्मनको दृष्टिले नभई मित्रको दृष्टिले हेनुपर्ने बताए । उनले नेपाल र भारत अभिन्न छिमेकी मुलक भएकाले नेपालको सत्रु भारतको मित्र र नेपालको सत्रु भारतको मित्र हुनै नसक्ने ठोकुवा गरे । प्रमुख भुसालले नेपालको विकासले भारतलाई नै फाइदा पुग्ने भएकोले भारत नेपालको विकास चाहादैन भन्नु गलत हुने दावी पनि गरे ।
