१०२ वर्षीय वृद्धबाट मतदान
तु खबर संवाददाता२०७४ मंसिर २१, बिहीबार १२:५४
पोखरा, २१ मंसिर । कास्कीको मादी गाउँपालिका–८ धु्रव माध्यमिक विद्यालयको मतदान केन्द्रबाट १०२ वर्षीय वृद्धले मतदान गरेका छन् । त्यस मतदान केन्द्रबाट वृद्ध वामदेव सापकोटाले मतदान गरेको राससले जनाएको छ ।
त्यस्तै पोखरा–१७ महतगौडाको जानकी आधारभूत विद्यालयबाट ८९ वर्षीय चन्द्रकान्त भण्डारीले मतदान गरेकी छिन् ।
कास्कीका ३१७ वटै मतदान केन्द्रमा शान्तिपूर्ण तवरले मतदान भइरहेको क्षेत्रीय निर्वाचन अधिकृत गंगालाल सुवेदीले जानकारी दिए ।
