टिप्पणी – भोलिको संसद वैठकमा काग्रेसको विकल्प : संसद अवरोध वा मौन समर्थन

२०७६ बैशाख २९,आईतवार २०:४०

मकवानपुर, २९ वैशाख । प्रदेश नम्बर ३ को प्रदेशसभा बैठक भोलिबाट सुरु हुँदैछ । आज बसेको कार्यव्यवस्था परामर्श समितिको बैठकले भोलि राजधानीको विषय सँसदमा प्रवेश नगर्ने निर्णय गरेको छ ।

प्रमुख प्रतिपक्षी नेपाली काँग्रेसले राजधानीको विषय प्रवेश गराउनुपर्ने माग राखेको सचेतक छिरिङ दोर्जे लामाले बताएका छन् । भोलि यस विषयमा काँग्रेसको बैठक समेत बस्ने भएको छ ।

अब प्रमुख प्रतिपक्षी नेपाली काँग्रेससँग दुई विकल्प देखिएको छ । एक राजधानीको विषय प्रवेश गराउन माग गर्दै कडा आन्दोलन गर्ने, सँसद बैठक नै अवरोध गर्ने वा जे भएपनि मौन समर्थन जनाएर सँसद वैठकमा भाग लिने ।

भोलि नेपाली काँग्रेस संसदीय दलको बैठक बस्दैछ । बैठकले के निर्णय गर्ला त्यो औपचारिक रुपमा भोलिनै खुल्ने भएपनि स्रोतले सँसद बैठक अवरोध हुन सक्ने संकेत गरेको छ ।

आजको कार्यव्यवस्था परामर्श समितिको बैठकमा काँग्रेसले जुनसुकै हालतमा पनि राजधानीको विषयले प्रवेश पाउनुपर्ने माग राखेको थियो । तर, उसको मागलाई सत्तापक्षले सुनुवाइ गरेन । स्रोतका अनुसार, त्यसरी पेलेर जाने अवस्था बनेपछि काँग्रेसले पनि आफ्नो तर्फबाट राम्रै म्यासेज दिनेगरी तयारी गरेको छ । त्यो तयारी सँसद वैठक अवरोध गर्ने हदसम्म जान्छ वा जादैन त्यो भने भोलिनै देखिनेछ ।

प्रमुख प्रतिपक्षी दलका नेता इन्द्रबहादुर बानियाँ भोलिको बैठकमा कडा रुपमा प्रस्तुत हुन सक्ने स्रोत बताउँछ ।

 

यो पनि पढ्नुहोस् –


यसमा तपाइको मत

Your email address will not be published. Required fields are marked *


*