गणतन्त्र र सङघीयता जनआन्दोलनको संरक्षण गर्नु सबैको साझा दायित्व : महामन्त्री कोइराला

२०७५ चैत्र ७,बिहीबार १३:२३

चितवन, ७ चैत्र । नेपाली काँग्रेसका महामन्त्री डा. शशाङ्क कोइरालाले गणतन्त्र र संघीयता जनआन्दोलनको उपलब्धि भएकाले यसको संरक्षण गर्नु सबैको साझा दायित्व रहेको बताएका छन् ।

नेपाल प्रेस युनियन चितवनले बिहिबार आयोजना गरेको पत्रकार सम्मेलनमा उनले भने, “गणतन्त्र र संघीयता जनआन्दोलनको उपलब्धि हो, मैले यसमा जनमत सङ्ग्रह गर्नुपर्छ भन्ने कुरा गरेकै छैन ।”

महामन्त्री कोइरालाले धार्मिक स्वतन्त्रताको पक्षमा जनमत संग्रह गर्न सकिने बताउँदै हिन्दू राज्यका विषयमा जनताले सरकारलाई दबाब दिन आवश्यक रहेको धारणा व्यक्त गरे । नेपाली काँग्रेसको अन्तिम बिन्दु धर्म स्वतन्त्रता नै रहेको उनले स्पष्ट पारे ।