काँग्रेसको अवरोधका कारण प्रदेशसभा स्थगन

२०७५ माघ १८,शुक्रबार १७:३४

काठमाडौं, १८ माघ । प्रदेश नं ५ को प्रदेशसभा आज विपक्षी दल नेपाली काँग्रेसको अवरोधका कारण स्थगन भएको छ । अनशनरत डा. गोविन्द केसीको जीवनरक्षाको माग र कञ्चनपुरकी निर्मला हत्याकाण्डका अभियुक्त अहिलेसम्म पनि पक्राउ नपरेको भन्दै काँग्रेसले सदनमा अवरोध गरेको हो ।

विपक्षी दलका नेता बलदेव शर्मा पोखरेलले डा. केसीको जीवनरक्षा र निर्मला हत्याकाण्डका आरोपित अहिलेसम्म पनि पक्राउ नभएकाले खेद व्यक्त गर्दै सदन सञ्चालन हुन नसक्ने घोषणा गरेपछि सभामुख पूर्णबहादुर घर्तीले विपक्षी दलको विरोध भएकाले सदन सञ्चालन हुन नसकेकाले यही माघ २२ गतेसम्मका लागि प्रदेशसभा स्थगन भएको घोषणा गरे ।