हेटौंडामा सिटी बस चलाउने मेयर महतको घोषणा विवादमा —— ‘ के हो यस्तो मेयरको चाला, कता सुक्यो जनताको माला’

२०७५, ३ बैशाख सोमबार ०८:३२

मकवानपुर । केही दिनअघि हेटौंडा उपमहानगरपालिकाको पत्रकार सम्मेलनमा मेयर हरिबोल महतले हेटौंडावासीलाई सहजताका लागि सिटी बस चलाउन लागेको घोषणा गरे । मेयर बहतको यो घोषणा अहिले विवादमा आएको छ ।


महत्वपूर्ण विषयमा नगरकार्यपालिकाको बैठकमा छलफलनै नगरी सिटी बस चलाउने घोषणा भएपछि त्यसविरुद्ध उनी आवद्ध राजनीतिक पार्टीबाट वडा अध्यक्ष निर्वाचित ४ नम्बर वडाका अध्यक्ष नविन सिग्देलले समाजिक संजाल फेसबुकमार्फत् बिना सल्लाह र निर्णय यस्ता घोषणा गरिएको प्रस्ट पारेका छन् ।
दैनिक रुपमा उपमहानगरपालिका चलाउने कुरामा निर्णय गर्न आवश्यक नभएपनि आम सरोकारको विषयमा निर्णय आवश्यक पर्ने औल्याउँदै वडा अध्यक्ष सिग्देलले सबै वडा अध्यक्ष यसबारेमा बेखबर रहेको समेत बताएका छन् ।


सिग्देले आफ्नै राजनीतिक दलमार्फत् मेयर विजयी भएका महतका विषयमा समाजिक संजालमा स्टाटस लेखेपछि त्यसबारे सकारात्मक र नकारात्मक दुबै किसिमका प्रतिक्रियाहरु आएका छन् ।
सिग्देलले लेखेको टिप्पणीमाथि प्रतिक्रिया दिँदै मकवानपुरका साहित्यकार तुलसी घिमिरेले के हो यस्तो मेयरको चाला, कता सुक्यो जनताको माला भनेर लेखेका छन् । समाजिक संजालमै महेश श्रेष्ठले मेयरले गरेको घोषणा सही भएको लेखेका छन् । हुन सक्ला छलफल गरिएन होला, तर यो राम्रो काम हो, सोसियल मिडियामा लेखिँदा राम्रो सन्देश नजाने प्रतिक्रिया श्रेष्ठको छ । श्रेष्ठले सिग्देललाई यस्ता कुरा कार्यालयभित्रै गर्न सुझाव पनि दिएका छन् ।


एमाले नेता तथा जिल्ला खेलकुद विकास समितिका अध्यक्ष माधब तिमल्सिनाले एक वर्ष बित्दै यस्तो अन्तरविरोध देखिनु राम्रो नभएको प्रतिक्रिया लेखेका छन् । जसले जे भनेपनि विधिमा चल्नुपर्ने धारणा तिमल्सिनाले सार्वजनिक गरेका छन् । यस्तो विषयमा एमाले पार्टी मौन बसेकोमा आफू अलमलमा परेको तिमल्सिनाले लेखेका छन् ।


यसमा तपाइको मत

Your email address will not be published. Required fields are marked *


*


Loading...