सुरुङमार्गका नाममा मकवानपुरका पूर्वसांसद ठकुरीले कति गरे घोटाला ? के भन्छन् ठकुरी ?

-चन्द्र घलान/बलराम पुडासैनी

मकवानपुर, १४ माघ । मकवानपरबाट वि.सं. २०७० सालमा चुनाव जितेका पूर्व सांसद सुवाश चन्द्र ठकुरीले हेटौँडा–काठमाडौँ सुरुङमार्गमा घोटाला गरेको समाचार मिडियामा आएपछि अहिले यो विषयले मकवानपुरमामात्र नभई देशभरि नै सनसनी मच्चाएको छ ।

हेटौँडा काठमाडौँ सुरुङमार्ग निर्माणका लागि स्थापित कम्पनी नेपाल पूर्वाधार विकास कम्पनी लिमिटेडमा सञ्चालकसमेत रहेका पूर्वसांसद सुवासचन्द्र ठकुरीले पनि बदमासी गरेको आरोप लगाइएको छ । त्यतिमात्र होईन जनता टेलिभिजनमा प्रशारित भएको सामाग्री अनुसार उनको पनि यसमा सहभागीता रहेको खुलासा समेत भएको आरोप छ ।

सुरुङमार्गको स्केच

जनता टेलिभिजमा प्रसारण भएको सामाग्री अनुसार ठकुरीले जम्मा एकलाख रुपैयाँ शेयर हालेर मासिक ७७ हजार रुपैयाँ भन्दा बढीको गाडी सुविधा लिएर १० लाख रुपैयाँ भन्दा बढी रकम सिध्याएको आरोप लगाइएको छ । सोही कार्यक्रममा शुरुमा आरोपको खण्डन गरेका ठकुरीले पछि भने आफ्नो कमजोरी स्विकारेको समाचार पनि छ ।

४५ मिनेटमा हेटौँडा पुगिने भनेर ५८ किलोमिटर सडक खण्डका लागि बनाइएको ३५ अर्ब रुपैयाँको योजनामा जनताले जम्मा पारेको ३० करोड रुपैयाँ त्यत्तिकै सकिएको बताइएको छ । यसै क्रममा सञ्चालक बनेका एमाले मकवानपुरका पूर्वउपाध्यक्ष समेत रहेका पूर्वसांसद ठकुरीको पनि संलग्नता भेटिएको आरोप लगाइएको छ ।

‘छ महिना पजेँरो चढेको हुँ’, त्यसबाहेक एक रुपैयाँ पनि खाको छैन’–ठकुरी
यस विषयमा तु खबरले पूर्वसांसद ठकुरीसँग प्रश्न गर्दा उनले यो सबै झुटो भएको बताए । सुरुङमार्ग निर्माण हुने दाबी गर्दै पार्टिगत असन्तुष्टि र राजनीतिक अस्थिरताले विभिन्न समस्या निम्ताएका कारण पनि यो ढिलाई भएको उनको भनाई छ । साथै आफ्नो चरित्र हत्या गर्ने नियतले आफुलाई यो केशमा तानिएको समेत उनको आरोप छ ।

‘यो सरासर झुठ हो, यसमा कुनै सत्यता छैन । मेरो चरित्र हत्या गर्ने नियतले यसो गरिएको हो’–उनले भने । ‘ मैले आफु जनप्रतिनिधि भएकोले गर्दा मकवानपुरे जनताको समेत सपना देखेर योजनाहरु बनाएको छु तर मलाई नै उल्टै प्रश्न तेर्सिएको छ ।’ ‘मैले सुरुङमार्ग निर्माणकै विभिन्न प्रशानिकदेखि कम्पनी दर्तासम्मको कार्यका लागि ६ महिना पजेरो भाडामा लिएर चढेको हुँ त्यो भन्दा अघिपछि पनि गाडी चढेको छु तर पजेरो चढेको होईन ।’ उनले भने ।
उनले सित्तैमा पजेरो चढेको भन्ने विषयमा सुरुङमार्गकै कामको लागि आफु हिँडेको बताए । सुरुङमार्गकै कामका लागि केही खर्च गरिएता पनि १० लाख रुपैयाँ सिध्याएको भन्ने आरोप सरासर गलत भएको समेत उनले दाबी गरे । ‘सुरुङमार्ग निर्माणका लागि आर्थिक संकलनको क्रममा विभिन्न अवरोध आएतापनि म निरन्तर लागिरहेँ तर जति आर्थिक संकलन भो त्यसले निर्माण कार्यको लागि पर्याप्त पुगेन । त्यसैले वैदेशिक लगानी भित्र्याउनका लागि हामी लागी परिरहेका छौँ , त्यो करिब अन्तिम चरणमा पुगेको छ । अब बन्ने सुरुङमार्ग ८० प्रतिशत विदेशी लगानी र २० प्रतिशत स्वदेशी लगानीमा निर्माण हुन्छ, उनले भने । उनले दाबीका साथ ढिलोचाँडो सुरुङमार्ग बन्ने दाबी गरे ।

उनका अनुसार नेपाल सरकारले केही प्रतिशत बजेट यस निर्माण कार्यका लागि छुटाएको अवस्था भएको भए विदेशी लगानीको लागि यतिका समय खर्च नहुने समेत उनले बताए । साथै नेपाल सरकारले चासो दिएका दिएको भए सुरुमार्ग निर्माण शुरु भइसक्ने उनको धारणा छ । लगानीकर्ताहरु र शेयरधनीहरुलाई यस विषयमा प्रष्ट पार्न नसकेका कारण पनि आफुहरुप्रति उनीहरुको गलत बुझाई हुनु स्वभाविक भएको उनले बताए ।

हेर्नुहोस् जनता टेलिभिजनको कार्यक्रम ‘बाइलाइन’–

प्रतिक्रियाको लागि