नारायणी यातायातमा हिरालाल अघिअघि गोकर्ण पछिपछि (ताजा मत परिणाम)
मकवानपुर, २८ पुस । नारायणी यातायात व्यवसायी संघको बिहीबार सम्पन्न निर्वाचनको मतगणना जारी छ । यो समाचार तयार पार्दासम्म १ हजार ५ सय मतगणना भएको छ ।
१ हजार ५ सय मतगणना हुँदा अध्यक्षका उम्मेदवार हिरालाल श्रेष्ठ अध्यक्षका प्रत्यासी गोकर्ण पराजुलीभन्दा अगाडि रहेका छन् । श्रेष्ठको ८३३ मत र पराजुलीको ६४४ मत रहेको छ । यो नतिजा हेर्दा श्रेष्ठ पराजुलीभन्दा १८९ मतले अगाडि छन् ।
त्यस्तै वरिष्ठ उपाध्यक्षमा किरण कटुवालले ७९० मत र सुबास पौडेलले ६४९ मत प्राप्त गरेका छन् । कटुवाल पौडेलभन्दा १४१ मतले अगाडि छन् । त्यस्तै हेटौँडा उपमहानगरपालिका उपाध्यक्षमा दिपक सिवाकोटीले ५५३ मत र विष्णु बिडारीले ८७८ मत प्राप्त गरेका छन् । बिडारी सिवाकोटीभन्दा ३२५ मतले अगाडि छन् ।
महासचिवतर्फ भने वर्तमान महासचिव समेत रहेका सरोजकुमार खनालको ९५२ मत र ध्रुवप्रसाद बिडारीको ४८८ मत रहेको छ । खनाल बिडारीभन्दा ४६४ मतले अगाडि छन् । कोषाध्यक्षतर्फ किरण पौडेलको ५८२ मत र राजेश खड्गीको ८६१ मत रहेको छ । खड्गी पौडेलभन्दा २७९ मतले अगाडि छन् । जम्मा २४८३ मत खसेको निर्वाचनमा २८ सदस्यहरु प्रतिस्पर्धामा छन् ।
