घूस खाएर शिक्षक नियुक्ति गरेको आरोपमा तीन जना अख्तियारको फन्दामा
सुर्खेत, १० माघ । घुस खाएर शिक्षक नियुक्ति गरेको आरोपमा अख्तियार दुरुपयोग अनुसन्धान आयोगले तीन जनालाई पक्राउ गरेको छ ।
निम्नमाध्यमिक तहको सामाजिक विषयको राहत शिक्षक नियुक्तिमा अनियमितता गरेको आरोपमा अख्तियार आयोगले शाही डुङ्गेश्वर गाउँपालिका–५ का वडासदस्य भक्तबहादुर शाहीसहित तीन जनालाई पक्राउ गरेको हो ।
शाही दैलेखको डुङ्गेश्वर गाउँपालिका–५ स्थित पिपलचौतारा माध्यमिक विद्यालय व्यवस्थापन समितिका अध्यक्ष एवं शिक्षक छनोट समितिका संयोजक हुन् ।
अखियार अनुसन्धान आयोग सुर्खेतले शाहीसहित परीक्षामा सहभागी भई छनोट भएका शिक्षक घनश्याम भण्डारी र वैकल्पिक उम्मेदवार दलबहादुर विकलाई पक्राउ गरेको हो ।
तीनै जनालाई पक्राउ उनी आवश्यक अनुसन्धानका भइरहेको आयोगले जनाएको छ ।
उनीहरुलाई गाउँपालिकाबाट सञ्चालन गरिएको शिक्षक छनोट परीक्षा सञ्चालन हुनुअगावै परीक्षार्थीलाई फेसबुक म्यासेन्जरमार्फत प्रश्नपत्र तथा उत्तरकुन्जिका पठाई शिक्षक छनोट गरेको भन्ने उजुरी परेपछि अनुसन्धान लागि नियन्त्रणमा लिएको आयोगले जनाएको छ।