बलात्कार आरोपित मकवानपुरका स्याङ्तान थुनामा
हेटौंडा, २३ मंसिर । बलात्कारको आरोपमा पक्राउ परेका एक युवकलाई जिल्ला अदालत मकवानपुरले पुर्पक्षका लागि थुनामा राख्ने आदेश दिएको छ ।
जिल्ला न्यायाधीश कमलराज विष्टको आइतबार बसेको इजलासले राक्सिराङ गाउँपालिका—५ का १९ वर्षीय आइसिं स्याङ्तानलाई थुनामा राख्ने आदेश दिएको हो ।
उनले १८ वर्षीया युवतीलाई विवाह गर्छु भनेर ललाइफकाई गत कात्तिक २५ गते बलात्कार गरेको आरोप छ ।