बसको ठक्करबाट श्रेष्ठको मृत्यु
काठमाडौं, ६ कात्तिक । बुधबार (आज) बिहान बसको ठक्करबाट राजधानीमा एक महिलाको मृत्यु भएको छ । मृत्यु हुनेमा नागार्जुन नगरपालिका–३, ठुलो भर्याङ बस्ने ६७ वर्षीया सानुमाया श्रेष्ठ रहेका छन् ।
महानगरीय ट्राफिक प्रहरी महाशाखाका अनुसार काठमाडौंको हलचोकमा बिहान ९ बजे बा ४ ख ८४०६ नम्बरको बसको ठक्करबाट दिँदा उनी गम्भीर घाईते भएका थिए ।
दुर्घटनाबाट गम्भीर घाईते भएका उनको स्वयम्भुस्थित मनमोहन अस्पतालमा उपचारको क्रममा मृत्यु भएको हो ।
ठक्कर दिने बस र बस चालकलाई नियन्त्रणमा लिई घटनाको विषयमा थप अनुसन्धान भइरहेको जनाएको छ ।