हेटौँडाको दुध पाउडर प्लाण्ट आगामी आर्थिक वर्षभित्रै सम्पन्न गरिने
मकवानपुर । बागमती प्रदेश सरकारले हेटौंडामा स्थापना भइरहेको दुध पाउडर प्लाण्टलाई आगामी आर्थिक वर्षमा सम्पन्न गरिने घोषणा गरेको छ ।
बागमती प्रदेश प्रमुख विष्णुप्रसाद प्रसाईले प्रदेश सरकारको आगामी आर्थिक वर्ष २०७८/०७९ को लागि सरकारको तर्फबाट नीति तथा कार्यक्रम प्रस्तुत गर्दै सो कुराको जानकारी दिएका हुन् ।
साथै उनले प्रदेश सरकारले दूध उत्पादक कृषकहरुलाई उत्पादनमा आधारित अनुदान कार्यक्रमलाई निरन्तरता दिँदै कृषकको खातामा जम्मा गरिने उल्लेख गरे ।
यसैगरी प्रदेशमा संचालनमा रहेका विद्युतीय संचार माध्यमलाई प्रदेश सरकार मातहतमा दर्ता र नविकरणको व्यवस्था गरी आवश्यक प्रोत्साहनको कार्यक्रम ल्याइने भएको छ ।
प्रदेशमा सरकारको एक स्थानीय तह एक नर्सरी कार्यक्रम पनि संचालन गरिने उनले बताए ।